Мінчукі абураюцца з-за адмены аўтобуснага маршруту

• 19.10.2025, 21:26

Маршрут запусцілі толькі 1 верасня.

З 27 кастрычніка ў Мінску скасоўваюць аўтобусны маршрут № 123 «Стэпянка — Ваенная акадэмія».

Такое паведамленне прадпрыемства «Сталічны транспарт і сувязь» не спадабалася жыхарам Стэпянкі. Пра гэта пішуць «Мінск-Навіны».

У мясцовых чатах пачалося бурнае абмеркаванне. Рашэнне здаецца мінчукам паспешлівым, бо маршрут запусцілі толькі 1 верасня:

«Жыхары новабудоўляў ездзяць. Шкада, што скасуць гэты маршрут. Відаць, калі ў аўтобусе ёсць вольнае месца паміж людзьмі і ёсць чым дыхаць, то гэта не лічыцца эфектыўнай паездкай».

«Я працую ў раёне ст. м. «Уручча». Тэрытарыяльна ад Стэпянкі блізка. На машыне — 10 хвілін. А вось грамадскім транспартам — жах! Даводзіцца ехаць адразу 95-м да ст. м. «Маскоўская», потым на метро да Уручча. Гэта амаль гадзіна. Я пешшу прыкладна за той жа час даходжу, таму 123-і — проста выратаванне».

Але былі і тыя, хто «ні разу не бачыў», каб у аўтобусах ехала шмат людзей, — «толькі бабулі да РНПЦ». Але такіх меркаванняў менш.

У ходзе абмеркаванняў нехта прапанаваў накіраваць зварот транспартнікам з просьбай пакінуць маршрут.