Сустрэча Пуціна і Трампа асуджаная на правал

• Віктар Андрусіў
• 19.10.2025, 18:33

Прэзідэнт ЗША падтрымаў пазіцыю Украіны.

Пакуль большасць пасыпае галаву попелам пасля сустрэчы Трампа і Зяленскага, я лічу яе вельмі паспяховай і такой, што набліжае канец вайны.

Па-першае, Трамп канчаткова падтрымаў нашу ключавую пазіцыю — спачатку спыненне агню, потым перамовы! Менавіта ад гэтага Пуцін максімальна ўхіляецца.

Па-другое, Трамп падтрымаў логіку замарожвання па лініі фронту. Гэта таксама наша пазіцыя.

Па-трэцяе, размова пра Tomahawk прымусіла Пуціна тэлефанаваць Трампу і дамаўляцца аб новых перамовах. Таму Трамп выдатна ведае, як цяпер ціснуць на РФ.

Зразумела, што сітуацыя яшчэ ў працэсе. І, хутчэй за ўсё, з чарговай сустрэчы Трампа і Пуціна нічога не атрымаецца. Але, як я ўжо казаў, павольна, цяжка сітуацыя рухаецца на нашу карысць.

Нагадаю, што вясной нам увогуле замарозілі ўзбраенне, а цяпер ужо пра Tomahawk размаўляем.

Віктар Андрусіў, Telegram