Міністр культуры Францыі: Лувр абрабавалі за чатыры хвіліны

• 19.10.2025, 20:18

Рабаўнікі былі прафесіяналамі.

Рабаўнікам хапіла чатырох хвілін, каб вынесці ювелірныя ўпрыгожанні з Лувра, заявіла міністр культуры Францыі Рашыда Даты у эфіры тэлеканала TF1.

«Гэта аперацыя заняла амаль чатыры хвіліны, яны [рабаўнікі] прафесіяналы», — сказала яна, піша Le Figaro. Раней міністр унутраных спраў краіны Лоран Нуньес казаў, што рабаванне доўжылася сем хвілін.

Яна таксама пацвердзіла, што адно «упрыгожанне было выяўлена ў непасрэднай блізкасці ад музея». Акрамя таго, міністр назвала скрадзеныя ўпрыгожанні «бесцэннымі скарбамі» і адзначыла, што эксперты «да гэтага часу праводзяць неабходныя працэдуры» для ідэнтыфікацыі скрадзеных каштоўнасцей.

Газета Le Parisien раней паведамляла, што каля будынка музея знайшлі адзін з скрадзеных экспанатаў — карону жонкі імператара Напалеона III Еўгеніі, яе выявілі зламанай.