Зяленскі жорстка адказаў на прапанову Пуціна

• 19.10.2025, 15:58

Украіна нічога не будзе дарыць расіянам.

Прэзідэнт Украіны Уладзімір Зяленскі, які ў пятніцу сустрэўся з прэзідэнтам ЗША ў Вашынгтоне, заявіў, што Украіна нічога не будзе дарыць Расіі. Пра гэта ён напісаў у сваім тэлеграм-канале.

Зяленскі таксама абвінаваціў Маскву ў зацягванні перамоўнага працэсу і заявіў, што Кіеў згодны на спыненне агню без умоў.

The Washington Post пісала, што Пуцін у тэлефоннай размове з амерыканскім калегам Дональдам Трампам патрабаваў ад украінскага боку аддаць яму Данбас.

Узамен, паводле сцвярджэнняў крыніц газеты, расійскі бок гатовы перадаць Украіне часткі Запарожскай і Херсонскай абласцей. Паводле звестак газеты, на ўступцы Данбаса Расіі на сустрэчы ў Белым доме таксама настойваў спецпасланнік Трампа Стыў Уіткоф.