У Парыжы абрабавалі Лувр

• 19.10.2025, 14:45

Злачынцы выкралі каштоўнасці Напалеона і ягонай жонкі.

Сёння ўдзень у Парыжы абрабавалі музей Лувр. Зараз ён цалкам закрыты для наведвання.

Пра гэта паведамляе РБК-Украіна са спасылкай на заяву міністра культуры Францыі Рашыда Даті.

Паводле яе слоў, сёння раніцай падчас адкрыцця музея адбылося рабаванне. Паведамленняў пра пацярпелых няма.

«Я знаходжуся на месцы разам з супрацоўнікамі музея і нарадамі паліцыі. Расследаванне працягваецца», — дадала яна.

Паведамляецца, што злачынцы разбілі вокны ў музеі і выкралі каштоўнасці Напалеона і ягонай жонкі: каралі, брошку, тыяру і іншыя ўпрыгажэнні.

Як паведамляе Le Parisien, зламыснікі, якія атрымалі доступ да будынка на набярэжнай Сены, дзе вядуцца рамонтныя працы, «скарысталі грузавы ліфт, каб трапіць проста ў патрэбнае памяшканне ў галерэі Апалона».

Пасля гэтага, разбіўшы вокны, двое мужчын, пад наглядам саўдзельніка, меркавана выкралі дзевяць прадметаў з калекцыі каштоўнасцей Напалеона і імператрыцы.