ЗША атрымаюць пэўныя тыпы ўкраінскіх дронаў

• 18.10.2025, 11:59

Зяленскі раскрыў падрабязнасці.

Украіна адкрытая да продажу сваіх дронаў. Злучаныя Штаты Амерыкі атрымаюць пэўныя тыпы беспілотнікаў.

Як паведамляе РБК-Украіна, пра гэта заявіў прэзідэнт Украіны Уладзімір Зяленскі падчас брыфінгу па выніках сустрэчы з прэзідэнтам ЗША Дональдам Трампам у Белым доме.

Паводле ягоных слоў, украінская і амерыканская каманды папрацуюць над пытаннем беспілотнікаў.

«Але яшчэ па прыбыцці ў Вашынгтон каманда з Украіны ўжо была тут. Мы адкрытыя да абмеркавання. Я лічу, што ЗША атрымаюць пэўныя тыпы беспілотнікаў», — адзначыў Зяленскі.

Нагадаем, падчас сустрэчы з прэзідэнтам Украіны Уладзімірам Зяленскім у Белым доме прэзідэнт ЗША Дональд Трамп заявіў, што Злучаныя Штаты зацікаўленыя ва ўкраінскіх дронах і хочуць закупляць іх.

«Мы зацікаўленыя ва ўкраінскіх дронах. Яны вырабляюць вельмі добрыя дроны. Мы хацелі б закупляць іх у Украіны», — сказаў Трамп.

Раней неаднаразова паведамлялася, што ЗША хочуць закупляць дроны ўкраінскай вытворчасці.