Зяленскі падтрымаў словы Трампа аб завяршэнні вайны ва Украіне

• 18.10.2025, 10:11

Але пытанне ў Пуціне.

Прэзідэнт Украіны Уладзімір Зяленскі пракаментаваў словы лідара ЗША Дональда Трампа пра неабходнасць спыніць вайну, падкрэсліўшы, што гатовы да любых фарматаў, якія могуць наблізіць мір.

Пра гэта паведамляе РБК-Украіна са спасылкай на заяву Зяленскага.

«Дзеля нашых краін і ў тых абставінах, у якіх мы цяпер знаходзімся, я думаю, мы павінны спыніцца там, дзе цяпер знаходзімся, і Трамп мае рацыю — важна гэта спыніць, а потым пачаць размову», — сказаў Зяленскі.

Ён растлумачыў, што пасля спынення баявых дзеянняў трэба пераходзіць да перамоў паміж рознымі групамі і лідэрамі для выпрацоўкі доўгатэрміновага міру.

«Я згодны з Трампам, што абодва бакі павінны спыніцца, але пытанне ў Пуціне (расійскі дыктатар Уладзімір Пуцін — рэд.). Не мы пачыналі гэтую вайну», — адзначыў прэзідэнт.

Зяленскі падкрэсліў, што «гатовы да любых фарматаў, якія могуць наблізіць Украіну да міру».