Расійскія вайскоўцы масава ўцякаюць з Херсонскага напрамку

• 18.10.2025, 8:17

Украінскія партызаны даведаліся цікавыя факты.

На Херсонскім напрамку фіксуюцца выпадкі масавага дэзерцірства сярод расійскіх вайскоўцаў.

Пра гэта паведамляе Telegram партызанскага руху «АТЕШ».

Як расказалі партызаны, прычынамі ўцёкаў акупантаў сталі жорсткае стаўленне камандзіраў, безвыніковыя штурмы і адсутнасць ротацыі падраздзяленняў. Гэта прымушае вайскоўцаў пакідаць свае пазіцыі.

У адказ на рост выпадкаў дэзерцірства камандаванне расійскай групоўкі войскаў «Днепр» разгарнула ў раёне Армянска ўзмоцненыя блокпасты і патрулі.

Ваенная паліцыя праводзіць масавыя праверкі дакументаў і вобыскі з мэтай выяўлення дэзерціраў.

Паводле звестак агентаў руху «АТЕШ», ад мясцовых жыхароў паступаюць паведамленні, што ўцекачы часта займаюць жылыя дамы, а пры выяўленні выкарыстоўваюць зброю.

Партызаны звярнуліся да вайскоўцаў Узброеных Сіл РФ з заклікам не чакаць затрымання або адпраўкі «на пэўную смерць», а скарыстацца прапановай арганізацыі адносна бяспечнага выхаду з зоны баявых дзеянняў.

«Не чакайце, пакуль вас зловяць або адправяць на пэўную смерць. Мы арганізуем ваш бяспечны выхад з гарантыяй захавання жыцця», — гаворыцца ў звароце.