Трамп нецэнзурна выказаўся пра «сябра Лукашэнкі»

• 18.10.2025, 5:07

Прэзідэнт ЗША ў грубай форме адрэагаваў на прапанову дыктатара Мадуры.

Амерыканскі прэзідэнт Дональд Трамп завяршыў прэс-канферэнцыю з украінскім прэзідэнтам Уладзімірам Зяленскім нецэнзурнай фразай пра тое, што венесуэльскі дыктатар Нікалас Мадура не хоча «звязвацца» з ЗША.

Адзін з журналістаў у пытанні да Трампа сказаў, што Мадура, спрабуючы наладзіць адносіны з Вашынгтонам, прапанаваў ЗША «усё, што ёсць у яго краіне», і нават запісаў паведамленне па-англійску з прапановай супрацоўніцтва.

«Ён прапанаваў усё. Ты маеш рацыю. Ведаеце, чаму? Таму што ён не хоча звязвацца з ЗША. Дзякуй вам усім» ("He doesn't want to fuck around with the United States"), — адказаў Трамп.