У Беларусі ўнеслі змены ў законы па пытаннях прадастаўлення пазыкаў

• 17.10.2025, 22:41

Падрабязнасці.

Аляксандр Лукашэнка падпісаў закон, які ўносіць змены ў нарматыўныя дакументы, што рэгулююць пытанні прадастаўлення пазыкаў.

Дакумент накіраваны на абарону маёмасных правоў грамадзян, звязаных з запазычаннем грашовых сродкаў, і прадугледжвае карэкціроўку некалькіх прававых актаў. Сярод іх: Грамадзянскі кодэкс, а таксама законы «Аб валютным рэгуляванні і валютным кантролі», «Аб рэкламе».

«У прыватнасці, устанаўліваюцца забароны на прадастаўленне пазыкаў грамадзянам суб'ектамі гаспадарання, што не ажыццяўляюць мікрафінансавую дзейнасць (за выключэннем пазыкаў сваім работнікам); выкарыстанне ў якасці закладу па дагаворах пазыкі адзінага жылога памяшкання; прадастаўленне грамадзянам пазыкаў у замежнай валюце, уключаючы выкарыстанне валютнага эквіваленту (за выключэннем пазыкаў паміж блізкімі сваякамі)», — паведамілі ў прэс-службе Лукашэнкі.

Таксама ўводзяцца абмежаванні па памерах працэнтаў, неўстойкі (штрафу, пеняў), якія выплачваюцца па дагаворах пазыкі.

Закон уступіць у сілу праз шэсць месяцаў пасля яго афіцыйнага апублікавання.