Польскія памежнікі выявілі тунэль пад агароджай на мяжы з Беларуссю

• 17.10.2025, 16:51

Падкоп пачынаўся ў Беларусі і заканчваўся за 20 метраў на польскім баку мяжы.

Невядомыя пракапалі тунэль на некалькі дзесяткаў метраў пад агароджай на мяжы Польшчы і Беларусі.

Пра знаходку, якую выявілі польскія памежнікі, паведаміў міністр унутраных спраў Польшчы Марцін Кервінскі ў сацсетцы X.

Паводле міністра, падкоп пачынаўся на беларускім баку і заканчваўся прыблізна за 20 метраў ад агароджы на польскім баку.

— Афіцэры Памежнай службы Падляшша выявілі тунэль пад агароджай на польска-беларускай мяжы. Падкоп пачынаўся ў Беларусі і заканчваўся прыблізна за 20 метраў на польскім баку мяжы. Дзякуючы сучасным электронным сістэмам на агароджы польска-беларуская мяжа эфектыўна ахоўваецца! — заявіў Кервінскі.