Акупанты маглі збіць уласны самалёт пры адбіцці атакі дронаў на Крым

• 17.10.2025, 19:18

Інфармацыю агучыў спікер Ваенна-марскіх сіл Збройных Сіл Украіны.

У ноч на 17 кастрычніка ў раёне акупаванага Крыму, паводле папярэдніх звестак, сілы супрацьпаветранай абароны Расіі збілі ўласны самалёт Су-30СМ. Інцыдэнт адбыўся падчас масіраванай атакі дронаў на аб'екты ў часова акупаваным Крыме.

Аб гэтым паведаміў прадстаўнік Ваенна-марскіх сіл Збройных Сіл Украіны Дзмітрый Плетэнчук, у прамым эфіры тэлеканала «Апостраф». Інфармацыю пра падзеі пацвярджаюць мясцовыя крыніцы.

Канчатковая інфармацыя па стане на раніцу 17 кастрычніка ўдакладняецца.