Прэзідэнт Мадагаскара пацвердзіў уцёкі з краіны

• 16.10.2025, 18:19

Вайскоўцы ўзялі ўладу ў свае рукі.

Прэзідэнт Мадагаскара Андры Радзуэліна афіцыйна пацвердзіў свой ад’езд з краіны. Пра гэта паведамляе Agence France-Presse са спасылкай на камюніке афрыканскага лідара.

«Андры Радзуэліна пацвердзіў, што «пакінуў краіну», — гаворыцца ў паведамленні агенцтва.

14 кастрычніка ніжняя палата парламента Мадагаскара, Нацыянальная асамблея, прагаласавала за адхіленне ад улады Радзуэліны. Пасля імпічменту, вынесенага прэзідэнту краіны, вайскоўцы на Мадагаскары ўзялі ўладу ў свае рукі.