Абсурд дня: рэйдавыя групы будуць перашкаджаць беларусам піць каву на АЗС

• 16.10.2025, 17:53

Кубракоў узяў пад казырок распараджэнне Лукашэнкі.

Лукашэнка даручыў навесці «парадак» на аўтазапраўках. Яму паскардзіліся на чэргі на АЗС. Паводле слоў дыктатара, вінаватыя беларусы, якія п'юць каву.

Выканаць указанне дыктатара вызваўся кіраўнік МУС Іван Кубракоў. Ён даў заданне па ўсёй краіне стварыць рэйдавыя групы для маніторынгу АЗС.

З кіраўніцтвам аўтазаправак, як паведамляе МУС, ужо правялі прафілактычныя гутаркі аб «размежаванні дзейнасці па рэалізацыі паліва і па продажы спадарожных тавараў, харчовых прадуктаў».