За колькі гадзін цяпер праходзяць мяжу аўтобусы ў Польшчу і Літву?

• 16.10.2025, 13:21

Расказалі перавозчыкі.

Ажыятаж на паездкі ў Польшчу і Літву знізіўся, а следам пайшлі на спад і чаргі ў пунктах пропуску. Пра гэта расказалі Office Life прадстаўнікі сэрвісу «Атлас бас».

Чарг не назіраюць нават у пункце пропуску «Брэст» на беларуска-польскай мяжы, дзе нядаўна яны маглі расцягвацца да сотні аўтобусаў.

Паводле звестак перавозчыкаў, ад пасадкі ў Мінску, напрыклад, да прыбыцця ў Варшаву праходзіць максімум 15 гадзін. Непасрэднае праходжанне беларуска-польскай мяжы займае 5−6 гадзін.

На літоўскім напрамку аўтобусы ходзяць дакладна паводле раскладу. Праходжанне мяжы ў пасажыраў аўтобусаў займае ў сярэднім 1−2 гадзіны.