На аўтазапраўках Беларусі пачнуць прадаваць толькі «зімовае дызельнае паліва»

• 16.10.2025, 12:18

Калі?

З 15 кастрычніка «Нафтан» і Мазырскі НПЗ перайшлі на выпуск і адгрузку «зімовага дызельнага паліва».

Прадпрыемствы пачалі вырабляць паліва маркі ДТ-З-К5 класа «нуль». Таксама заводы гатовыя выпускаць і рэалізоўваць па заявках спажыўцоў дызельнае паліва К5 другога класа.

А з 1 лістапада на ўсіх АЗС «Беларуснафты» рэалізуецца толькі зімовае дызельнае паліва, паведамілі ў «Белнафтахіме».

У «Белнафтахіме» рэкамендавалі для бесперабойнай работы транспарту зімой своечасова замяніць паліўны фільтр, а таксама выкарыстоўваць рэкамендаваныя аўтавытворцам змазачныя алеі і ахаладжальныя вадкасці.

Таксама ў рэкамендацыях для вадзіцеляў — праверыць спраўнасць свечак напальвання і акумулятара, паклапаціцца пра сезонную замену шын.