Белы дом дазволіў ЦРУ праводзіць сакрэтныя аперацыі ў Венесуэле

• 16.10.2025, 2:00

Аперацыі будуць праводзіцца супраць рэжыму «сябра Лукашэнкі» Мадуры.

Белы дом негалосна дазволіў ЦРУ праводзіць сакрэтныя аперацыі ў Венесуэле супраць рэжыму Нікаласа Мадуры, піша The New York Times са спасылкай на крыніцы.

ЦРУ дзякуючы атрыманым паўнамоцтвам зможа ажыццяўляць аперацыі супраць уладаў Венесуэлы як самастойна, так і ў рамках больш маштабнай вайсковай аперацыі.

Канчатковая мэта ЗША — усуненне Мадуры ад улады, распавядалі раней крыніцы NYT. Паводле суразмоўцаў, прадстаўнікі венесуэльскай апазіцыі абмяркоўвалі з камандай Трампа дзеянні на выпадак падзення рэжыму Мадуры.