У Магілёве зрабілі дыяганальны пешаходны пераход

• 16.10.2025, 1:32

Фотафакт.

У Магілёве на скрыжаванні вуліц Ленінскай і Ціміразеўскай з'явіўся дыяганальны пешаходны пераход. Цяпер пешаходы тут могуць пераходзіць скрыжаванне па дыяганалі, а не спачатку адну, а потым другую вуліцу.

Як паведамілі ў ДАІ Магілёўскай вобласці, галоўная перавага новага пераходу — асобная пешаходная фаза святлафора, якая выключае канфлікты паміж аўтамабілямі і пешаходамі.

Такі спосаб пераходу дазваляе эканоміць час і робіць рух больш бяспечным. Пры гэтым інспектары нагадваюць: дарогу трэба пераходзіць толькі ў вызначаных месцах і пераканаўшыся, што гэта бяспечна, а ў цёмны час сутак неабходна мець святлоадбівальныя элементы.