На Камароўскім рынку наведвальнікі заўважылі незвычайных гасцей

• 15.10.2025, 21:24

Відэафакт.

У сярэдзіне кастрычніка на Камароўскім рынку можна назіраць нечаканую карціну: паміж гандлёвымі радамі актыўна снуюць зграі шпакоў. Птушкі, не баючыся людзей, лятаюць каля прылаўкаў і бяруць пачастункі проста з рук пакупнікоў і прадаўцоў, піша «Смартпрэс».

Як адзначаюць наведвальнікі, адна з прадавачак, працягваючы ўзважваць тавар, спакойна корміць птушак з далоні. Пасля пачастунку шпакі часта разсядаюцца на дахі і шыльды, дзе пачынаюць спяваць.

Арнітолагі тлумачаць, што восеньскія спевы шпакоў — не рэдкая з’ява. У кастрычніку даўжыня светлавога дня набліжаецца да вясновых паказчыкаў, што можа правакаваць у птушак падобныя паводзіны са спевамі. Да гэтага часу ў шпакоў таксама завяршылася сезонная лінька: іх апярэнне стала стракатым з-за светлых крапінак, колер дзюбы пацямнеў, лапкі пацямнелі.

Хутка гэтыя птушкі адправяцца зімаваць у Францыю, Італію або Турцыю. Аднак пакуль іх спевы працягваюць гучаць у раёне сталічнага рынку.