Беларусам масава тэлефануюць з «паліклінік»

• 15.10.2025, 15:56

У чым справа.

У Мінску пачасціліся выпадкі тэлефоннага махлярства, калі зламыснікі тэлефануюць гараджанам, прадстаўляючыся супрацоўнікамі паліклінік і запрашаючы прайсці дыспансерызацыю.

Адзін з такіх званкоў атрымала 63-гадовая жыхарка сталіцы. Калі жанчына адказала, што не абслугоўваецца ў мясцовай паліклініцы, «медработнікі» папрасілі прадыктаваць персанальныя даныя, каб нібыта «выключыць яе са спісу даўжнікоў».

Пасля гэтага з мінчанкай звязаўся «супрацоўнік міліцыі», які паведаміў, што ад яе імя праводзяцца незаконныя фінансавыя аперацыі. Пад пагрозай «крымінальнай справы» жанчыну пераканалі перавесці грошы на «бяспечны рахунак».

Пенсіянерка прыйшла ў банк з больш чым васьмю тысячамі рублёў, аднак касір западазрыла падман і звярнулася да праваахоўнікаў, прадухіліўшы крадзеж сродкаў.