Названыя прычыны жахлівага ДТЗ з маршруткай пад Светлагорскам

• 15.10.2025, 12:20

Загінулі шэсць чалавек.

Следчыя назвалі прычыны аварыі з маршруткай «Мінск — Мазыр», у якой загінулі шэсць чалавек, а яшчэ восем пацярпелі.

Познім вечарам 10 кастрычніка мікрааўтобус сутыкнуўся з трактарам, які рухаўся ў тым жа кірунку, пасля чаго выехаў на сустрэчную паласу і ўрэзаўся ў пазадарожнік.

Паводле даных следства, кіроўца маршруткі перавышаў хуткасць, амаль ніхто з пасажыраў не быў прыстёгнуты (хоць у салоне былі рамяні бяспекі), а ў трактара і яго прычэпа былі няспраўныя габарытныя агні — пры гэтым праблісковы маячок працаваў.