За суткі армія РФ страціла больш ваеннай тэхнікі, чым за ўвесь верасень

• 15.10.2025, 10:41

Аналітык агучыў лічбы.

OSINT-аналітык Рычард Верэкер заявіў, што за мінулыя 24 гадзіны было зафіксавана больш страт сярод расійскіх БТР і БМП, чым за ўвесь верасень.

На думку аналітыка, армія Пуціна перастала практыкаваць тактыку падтрымкі невялікіх штурмаў бранямашынамі.

Замест гэтага расійскія войскі сталі праводзіць менш, але больш маштабныя механізаваныя атакі.

Напярэдадні на сваёй старонцы ў сацсетцы X Верэкер паведаміў, што крыху больш за 50% страт бранятэхнікі арміі РФ прыпадае на МТ-ЛБ.

Аналітык адразу падкрэсліў, што ён не валодае поўнай інфармацыяй пра тактыку вядзення бою арміяй Пуціна, таму пакуль не бярэ на сябе адказнасць за дэталёвы аналіз страт бранятэхнікі Узброеных Сіл РФ за верасень.

У верасні армія Пуціна страціла на полі бою 25 БМП і БТР, з якіх 13 — гэта МТ-ЛБ. Акупанты ўжо даўно выкарыстоўваюць іх як простую замену БТР. Пры гэтым з кожным месяцам страты МТ-ЛБ працягваюць расці.

Тым часам аналітыкі з DeepState паведамляюць, што расійскія войскі акупаваўлі яшчэ тры населеныя пункты на тэрыторыі Данецкай вобласці. Праціўнік захапіў Комар, Мірнае і Перастройку, а таксама прасунуўся ў раёне Іванаўкі і Воскресенкі.

Гэтыя населеныя пункты знаходзяцца на Новапаўлаўскім напрамку. Акрамя таго, 13 кастрычніка праціўнік акупаваў пасёлак Тэрновае ў Дняпрапятроўскай вобласці.