Трамп: У нас шмат Tomahawk

• 14.10.2025, 22:28

Прэзідэнт ЗША заявіў, што будзе абмяркоўваць пастаўкі ракет на сустрэчы з Зяленскім.

Прэзідэнт Злучаных Штатаў Дональд Трамп паведаміў, што кіраўнік Украіны Уладзімір Зяленскі на сустрэчы ў пятніцу папросіць яго аб пастаўках ракет Tomahawk. Пра гэта ён выказаўся на сустрэчы з прэзідэнтам Аргенціны Хав’ерам Мілеем у Белым доме.

«У пятніцу да мяне прыязджае прэзідэнт. І я ведаю, што ён скажа... ён хацеў бы атрымаць Tomahawk», — распавёў амерыканскі лідар.

Трамп дадаў, што ЗША маюць вялікія запасы Tomahawk. «Усе хочуць Tomahawk. У нас шмат Tomahawk», — адзначыў ён.

Раней Трамп, размаўляючы з журналістамі, пацвердзіў, што ў яго запланаваная сустрэча з украінскім лідарам Уладзімірам Зяленскім на гэтым тыдні.