Ізраіль пакіне КПП «Рафах» зачыненым з-за невяртання целаў закладнікаў

• 14.10.2025, 21:11

ХАМАС не выканаў свае абавязацельствы.

Ізраіль не стане адкрываць 15 кастрычніка КПП «Рафах» на мяжы сектара Газы і Егіпта. Краіна таксама абмяжуе паток гуманітарнай дапамогі ў анклаў, паведамляе Ynet.

Па дадзеных партала, рашэнне прынялі ў сувязі з парушэннем палестынскім рухам ХАМАС абавязацельства вярнуць целы ўсіх загінулых закладнікаў.

13 кастрычніка ХАМАС перадаў Ізраілю ўсіх 20 жывых закладнікаў, якія заставаліся ў палоне, у межах мірнага пагаднення. Па дадзеных The Times of Israel, ХАМАС перадаў Ізраілю целы толькі чатырох закладнікаў, яшчэ 24 целы застаюцца ў Газе.

У першай групе вызваленых былі Алон Охель, Матан Ангрэст, Эйтан Мор, Галі і Зіў Берман, Омры Міран і Гай Гільбоа-Даллал, у другой — Элькана Бухбут, Бар Куперштэйн, Максім Харкін, Сегеў Кальфон, Эйтан Горн, Давід Куніо, Арыэль Куніо, Німрод Коэн, Авінатан Ор, Ёсеф Хаім Охана, Матан Цэнгаукер, Эв'ятар Давід, Ром Браслаўскі.