Беларусы ў бліжэйшы час у космас не паляцяць

• 14.10.2025, 19:28

Няма грошай.

Палёт наступнага беларускага касманаўта не анансаваны і ў бліжэйшай перспектыве не плануецца. Пра гэта на прэс-канферэнцыі заявіў начальнік упраўлення аэракасмічнай дзейнасці апарата Нацыянальнай акадэміі навук Беларусі, акадэмік Пётр Вітязь.

Паводле яго слоў, хоць падрыхтоўка новых касманаўтаў магчымая, галоўнымі перашкодамі з'яўляюцца не кадры, а фінансы і тэхнічныя пытанні.

«Адбор касманаўтаў для далейшых палётаў, вядома, магчымы. Так, гэта вялікія грошы. Таму задача стаіць не толькі ў тым, каб сёння падабраць чалавека... але і вырашыць тэхнічныя пытанні», — патлумачыў Пётр Вітязь.

Такім чынам, як адзначыў акадэмік, акцэнт перанесены з падрыхтоўкі канкрэтнага чалавека на фарміраванне змястоўнай часткі будучых місій. Асноўнай задачай на гэтым этапе з'яўляецца распрацоўка беларускага навуковага абсталявання і эксперыментаў для міжнародных праектаў.