У Мінску закрылі станцыю метро

• 14.10.2025, 8:21

Што адбылося.

Раніцай 14 кастрычніка ў мінскім метро адбыўся інцыдэнт з пасажырам на станцыі «Пятроўшчына». У выніку быў прыпынены рух цягнікоў па Маскоўскай лініі, а сама станцыя закрыта, паведамілі ў метрапалітэне.

Інцыдэнт адбыўся на «Пятроўшчыне» каля 7:32 раніцы. Прычыны інцыдэнту афіцыйна не раскрываюцца, аднак, як звычайна бывае ў падобных выпадках, можа ісці гаворка пра здарэнне на пуцях.

У метрапалітэне ўдакладнілі, што рух цягнікоў па Маскоўскай лініі прыпынены, а станцыя «Пятроўшчына» закрыта для пасажыраў.

Пазней там дадалі, што на кантактную рэйку пададзена напружанне і рух аднаўляецца. Ажыццяўляецца яго дыспетчарскае рэгуляванне.