У Мінску знайшлі зніклага школьніка
- 13.10.2025, 23:58
Ён самастойна вярнуўся дадому.
У Мінску знайшлі 13-гадовага Андрэя Корзана, які пасля школы пайшоў у невядомым кірунку. Пра гэта паведамілі ў ГУУС Мінгарвыканкама.
«Хлопчык самастойна вярнуўся дадому, з ім усё ў парадку. Дзякуем неабыякавым грамадзянам за дапамогу», — паведамілі ў міліцыі.
Нагадаем, 13 кастрычніка падлетак пасля школы пайшоў у невядомым кірунку без сродкаў сувязі.