Трамп: Трэцяй сусветнай вайны не будзе

• 13.10.2025, 22:16

Прэзідэнт ЗША супакоіў прысутных лідараў на саміце ў Егіпце.

Трэцяй сусветнай вайны не будзе, заявіў прэзідэнт Злучаных Штатаў Дональд Трамп падчас саміту па ўрэгуляванні канфлікту ў сектары Газа. Трансляцыю мерапрыемства вёў YouTube-канал Белага дома.

«Яны заўсёды казалі пра тое, што на Блізкім Усходзе пачнецца трэцяя сусветная вайна, але гэтага не адбудзецца. Мы не хочам, каб яна наагул дзе-небудзь пачыналася», — сказаў амерыканскі лідар.

Саміт па спыненні агню ў сектары Газа адбыўся 13 кастрычніка ў Шарм-эш-Шэйху. Улады Егіпта запрасілі на саміт лідараў 20 краін.

ЗША, Егіпет, Катар і Турцыя на сустрэчы ў Шарм-эш-Шэйху падпісалі пагадненне аб міры ў сектары Газа. Прадстаўнікі Ізраіля і ХАМАС на саміце не прысутнічалі. Рэжым спынення агню ў анклаве дзейнічае з 10 кастрычніка.