Time вынес на вокладку здзелку Трампа па Газе з загалоўкам «Яго трыумф»

• 13.10.2025, 21:42

Пагадненне паміж Ізраілем і ХАМАС можа азначаць маштабныя змены для Блізкага Усходу.

Амерыканская газета Time размясціла на вокладцы новага нумара фотаздымак прэзідэнта ЗША Дональда Трампа, яе прысвяцілі замірэнню Ізраіля з палестынскай групоўкай ХАМАС, заключанаму пад кіраўніцтвам Вашынгтона. Вокладка апублікавана ў акаўнце выдання ў X.

«Ізраільскія закладнікі, якія засталіся ў жывых і ўтрымліваліся ў Сектары Газа, былі вызваленыя ў межах першай фазы мірнага плану Дональда Трампа разам з вызваленнем палестынскіх зняволеных. Гэта здзелка можа стаць знакавым дасягненнем другога тэрміну Трампа і азнаменаваць стратэгічны паваротны момант для Блізкага Усходу», — гаворыцца ў паведамленні.

На вокладку таксама вынесены загалоўкі трох артыкулаў пра ўрэгуляванне вайны ў Сектары Газа. Першы набраны найбольш буйным шрыфтам: «Яго трыумф». Два астатнія — «Лідар, у якім меў патрэбу Ізраіль» і «Як Газа загойваецца».