У Мінску рабочы зваліўся з балкона пятага паверха
- 13.10.2025, 20:49
Ён памёр у хуткай па дарозе ў бальніцу.
У Мінску пасля падзення з вышыні загінуў рабочы. Акалічнасці інцыдэнту высвятляюць следчыя.
39-гадовы мужчына працаваў на будаўніцтве дома на вуліцы Віталя Цвіркі. Ён сарваўся з балкона на пятым паверсе і ўпаў на бетонную пляцоўку.
Ад атрыманых траўмаў мужчына памёр у машыне хуткай дапамогі па дарозе ў бальніцу.
Па факце інцыдэнту праводзіцца праверка.