Прэзідэнт Турцыі зрабіў камплімент прэм'ер-міністарцы Італіі і параіў кінуць паліць

• 13.10.2025, 19:54

У адказ Джорджа Мелоні пажартавала.

Прэзідэнт Турцыі Рэджэп Таіп Эрдоган падчас размовы з прэм'ер-міністаркай Італіі Джорджай Мелоні на палях мірнага саміту па Газе ў Егіпце пажартаваў, што ёй трэба кінуць паліць. Кадры размовы апублікавала турэцкае агенцтва İhlas (İHA).

Мелоні паціснула руку Эрдогану і адзначыла, што іх самалёты прызямліліся амаль адначасова. У адказ турэцкі лідар заявіў, што італьянская палітык выглядае выдатна. А затым дадаў: «Але я павінен прымусіць цябе кінуць паліць».

У адказ Мелоні засмяялася і пагадзілася са словамі турэцкага лідара. «Я не хачу каго-небудзь забіць», — дадала яна.