Цана на срэбра абнавіла гістарычны максімум

• 13.10.2025, 18:37

$50 за унцыю.

Біржавыя цэны на срэбра зноў абнавілі гістарычны максімум. У панядзелак, 13 кастрычніка, ф'ючэрсы на срэбра з пастаўкай у снежні падаражэлі на біржы Comex на 6,03% і ўзняліся да $50,095 за унцыю, сведчаць даныя таргоў станам на 16:36 па Мінску. Вышэй за адзнаку $50 кошт унцыі срэбра падняўся ўпершыню ў гісторыі.

Папярэдні максімум быў усталяваны 10 кастрычніка на адзнацы $49,965 за унцыю, чаму спрыяў попыт інвестараў на абарончыя актывы на фоне геапалітычных і эканамічных рызык, якія захоўваюцца.

Цэны на срэбра ўзляцелі да новых рэкордных узроўняў пасля таго, як прэзідэнт ЗША Дональд Трамп абвясціў пра ўвядзенне з 1 лістапада пошлін на імпарт з Кітая ў памеры 100% звыш тых, што дзейнічаюць цяпер. Акрамя гэтага, будзе ўведзены экспартны кантроль для любога крытычна важнага праграмнага забеспячэння. Пра гэта Трамп абвясціў у сваёй сацыяльнай сетцы Truth Social.