У Кіеў прыбыла Кая Каллас

• 13.10.2025, 11:14

Кіраўніца дыпламатыі ЕС абмяркоўвае ўзмацненне вайсковай і фінансавай падтрымкі Украіны.

Кіраўніца еўрапейскай дыпламатыі Кая Каллас у панядзелак, 13 кастрычніка, прыбыла з візітам у Кіеў.

Пра гэта яна паведаміла ў сваім X.

На апублікаваным Каллас фота бачна, што на кіеўскім чыгуначным вакзале галоўную дыпламатку ЕС сустрэў міністр замежных спраў Андрэй Сыбіга.

«Сёння я знаходжуся ў Кіеве для правядзення перамоваў пра фінансавую і вайсковую падтрымку, бяспеку энергетычнага сектара Украіны і прыцягненне Расіі да адказнасці за ваенныя злачынствы», — падкрэсліла Каллас.

Яна таксама адзначыла мужнасць украінскага народа, чым ён «натхняе ўвесь свет».

«Іх стойкасць патрабуе нашай поўнай падтрымкі», — дадала Каллас.