Трамп прыляцеў у Ізраіль

• 13.10.2025, 10:56

У аэрапорце яго сустрэлі прэм’ер-міністр Ізраіля і прэзідэнт.

У панядзелак, 13 кастрычніка, самалёт прэзідэнта ЗША Дональда Трампа прызямліўся ў Ізраілі, дзе працягваецца працэс вызвалення закладнікаў, якіх утрымліваў ХАМАС, паведамляе The Times of Israel.

Самалёт з амерыканскім лідарам на борце прызямліўся ў міжнародным аэрапорце Бэн-Гурыён пасля палёту над плошчай Закладнікаў у Тэль-Авіве.

У аэрапорце Трампа сустрэлі прэм’ер-міністр Ізраіля Біньямін Нетаньяху і прэзідэнт Іцхак Герцаг.

Чакаецца, што прэзідэнт ЗША сёння сустрэнецца з вызваленымі закладнікамі.

Пасля Ізраіля Трамп накіруецца ў Егіпет на саміт па Газе з удзелам прэзідэнта Егіпта і больш як 20 сусветных лідараў. У Шарм-эль-Шэйху павінен быць падпісаны мірны план, заключэнню якога спрыяла адміністрацыя Трампа.