Зборная Беларусі па футболе прайграла Шатландыі

• 12.10.2025, 22:16

Лёс матчу вырашыў VAR.

У нядзелю, 12 кастрычніка, зборная Беларусі па футболе правяла матч кваліфікацыі чэмпіянату свету 2026 года супраць каманды Шатландыі.

Гульня адбылася ў Глазга на стадыёне «Хэмпдэн Парк» пры 49 тысячах гледачоў. Гаспадары адкрылі лік у першым тайме — вызначыўся нападнік Чэ Адамс.

У другой палове матчу беларусы змаглі паразіць вароты суперніка намаганнямі Яўгена Малашэвіча, аднак пасля прагляду VAR гол быў адменены з-за парушэння правілаў. Раней відэапаўтор дапамог арбітру адмяніць прызначаны пенальці ў вароты зборнай Беларусі.

На 84-й хвіліне Скот Мактомінэй падвоіў перавагу шатландцаў. У канцоўцы матчу Глеб Кучко скараціў разрыў у ліку, забіўшы свой першы гол за нацыянальную зборную.

Выніковы лік — 2:1 на карысць Шатландыі.

Адзначым, напярэдадні матчу шатландскія праваабаронцы і палітыкі заклікалі УЕФА (адстараніць Беларусь ад міжнародных спаборніцтваўhttps://charter97.org/ru/news/2025/10/10/658840/).