Зяленскі: Расія баіцца, што ЗША перададуць Украіне ракеты Tomahawk

• 12.10.2025, 22:25

Ціск на Крэмль можа спрацаваць.

Прэзідэнт Уладзімір Зяленскі заявіў, што Расія баіцца магчымай перадачы Украіне амерыканскіх ракет Tomahawk.

Пра гэта кіраўнік дзяржавы паведаміў у сваім звароце ў нядзелю.

Зяленскі адзначыў, што другі раз за два дні правёў тэлефонную размову з прэзідэнтам ЗША Дональдам Трампам.

«Мы бачым і чуем, што Расія баіцца, што амерыканцы могуць перадаць нам Tomahawk. Гэта сігнал, што менавіта такі ціск можа спрацаваць дзеля міру», – падкрэсліў Зяленскі.

«Мы дамовіліся з прэзідэнтам Трампам, што нашы каманды і вайскоўцы будуць займацца ўсім тым, пра што мы гаварылі. У тым ліку гэта датычыць энергетыкі і газу. Я дзякую. Разлічваем на вынік», – дадаў украінскі прэзідэнт.