Раскрыта яшчэ адна таямніца пацыента Лукашэнкі

• 12.10.2025, 17:32

Дыктатара адпраўляюць лячыцца ў ВІП-блок.

Выйшло новае расследаванне, у якім паказаны падрабязнасці ВІП-блока бальніцы, размешчанай побач з месцам пражывання Лукашэнкі. Як гаворыцца ў расследаванні, аб'ект выкарыстоўваецца толькі Лукашэнкам і яго асяроддзем, ён займае тры паверхі. У ім ёсць пакой аховы, вестыбюль, кабінет, сталовая, спальня, і толькі адна палата інтэнсіўнай тэрапіі, перадае «Еўрарадыё».

Кіруе новай медыцынскай установай яго даўняя асабістая лекарка Ірына Абельская.

Інтэр'ер блока вытрыманы ў класічным стылі: тэкстыльныя шпалеры, паркет, ліштвы, карціны і дэкаратыўныя кампазіцыі ў калідорах, чыгунныя парэнчы з пазалотай, мармуровая плітка.

Там усталяваная шыкоўная сантэхніка Villeroy & Boch, плітка Ragno, таршэры Reluce па 3 840 рублёў кожны.

На аксесуары для ваннай (трымальнікі, ёршыкі, мыльніцы) выдаткавалі звыш 12 000 рублёў. Усе матэрыялы — імпартныя і прэміум-класа.