Праз новыя пошліны Трампа крыптарынок абваліўся да гістарычнага мінімуму

• 12.10.2025, 8:10

Больш за ўсё пацярпелі біткойн, эфір і салана.

Пагроза Дональда Трампа увесці новыя 100% тарыфы на Кітай выклікала рэкордны абвал крыптарынку з ліквідацыямі на больш як 18 мільярдаў долараў.

Пра гэта паведамляе CNN.

Найбольш пацярпелі біткойн, эфір і салана, якія сталі цэнтрам хвалі прымусовых ліквідацый буйных крэдытных і маржынальных пазіцый інвестараў.

Біткойн — ліквідавана пазіцый на $5 млрд, падзенне кошту — да $103 000 з наступным адскокам да $111 600.

Ethereum (эфір) — мінус $4 млрд, зніжэнне з $4 365 да $3 742.

Solana — страты больш за $2 млрд, падзенне амаль на 20%, да $178.

CoinGlass заявіла, што гэта «найбуйнейшая ліквідацыйная падзея за ўсю гісторыю крыптавалют».

Паніка на крыптарынку супала з рэзкім зніжэннем традыцыйных фінансавых індэксаў — Nasdaq і S&P 500 зафіксавалі найгоршы дзень за апошнія шэсць месяцаў, што ўзмацніла эфект масавай распродажы актываў.

Як Трамп уплывае на крыптарынок

Варта адзначыць, што менавіта палітыка Трампа раней дала крыптавалютам новы імпульс — прэзідэнт:

пачаў адкрыта звяртацца да крыптасупольнасці,

запусціў уласны мем-койн, што выклікала ўсплёск рознічнай увагі,

заявіў пра стварэнне стратэгічнага рэзерву ЗША ў біткойне,

дазволіў уключаць крыптавалюту ў пенсійныя планы 401(k) праз выканаўчы ўказ — пасля чаго біткойн абнавіў гістарычны максімум на ўзроўні $124 000.

Аднак абвастрэнне гандлёвай вайны з Кітаем рэзка змяніла настрой інвестараў. Пятніца, 10 кастрычніка, прынесла магутны абвал крыптарынку — цана біткойна ўпала да $105 801, што стала адным з самых рэзкіх дзённых падзенняў за апошнія месяцы.