Пошта Францыі выпусціла марку з водарам

• 12.10.2025, 4:51

Чым яна пахне?

Нацыянальная паштовая служба Францыі (La Poste) выпусціла марку з водарам круасана на сліўкавым масле, піша Le Figaro.

Яна паступіла ў продаж абмежаваным накладам у 594 тыс. экзэмпляраў. Яе кошт – €2,10.

Пах круасана марка выдзяляе пры трэнні.

Пах як даніна павагі

Араматызаваную паштовую марку выпусцілі да конкурсу на найлепшы круасан. Такім чынам вырашылі аддаць даніну павагі «любімаму пірожнаму французаў, яго лёгкай і паветранай тэкстуры, залацістай хрумсткай скарыначцы і пяшчотнаму сліўкаваму смаку».

Дарэчы, спаборніцтва па выдатнай выпечцы праводзяць на працягу шасці гадоў. Старт быў дадзены ў 2019 годзе.

Выявы з пахам круасана павінны ўмацаваць нацыянальную еднасць, заявілі ў La Poste. Аднак усе маркі прызначаныя для міжнароднай пошты.