Арышт Шакутіна — гэта выразны сігнал прыдворнаму бізнесу

• 11.10.2025, 19:54

Статус «кашалька Лукашэнкі» не вечны.

Бізнесмен Аляксандр Шакуцін, які зусім яшчэ нядаўна быў у ласцы ў кіраўніка Беларусі, выйшаў з СІЗА, правёўшы там 72 гадзіны. З гэтай гісторыі напрошваюцца некалькі высноў пра тое, як у Беларусі вырашаюцца лёсы людзей, піша «Салідарнасць».

Падкрэслім адразу, што гэтыя разважанні не прэтэндуюць на арыгінальнасць, але сама гісторыя патрабуе рэфлексіі, каб не забываць, якая сістэма выбудавана ў нашай краіне.

Па-першае, арышт Шакутіна — выразны сігнал прыдворнаму бізнесу пра тое, што статус «кашалька Лукашэнкі» не вечны. У правячага клана няма недатыкальных, хіба што — члены сям'і кіраўніка.

І трэці момант. Выбудаваная ў сённяшняй Беларусі сістэма не проста бязлітасная да ўсіх, акрамя ўласнага найбліжэйшага кола, але і бясконца цынічная нават да тых, хто з'яўляецца яе вінцікамі.

У якасці свежага прыкладу — на нядаўняй нарадзе па развіцці птушкагадоўлі можна было бачыць Ганну Норкус (да замужжа — Шарэйка), дырэктарку Віцебскай бройлернай птушкафабрыкі (гандлёвая марка «Ганна»).

У 2014-м, калі яна ўзначальвала тую ж бройлерную птушкафабрыку, яе арыштавалі па абвінавачанні ў закупцы кармоў па завышаных цэнах у літоўскай фірмы.

Лукашэнка асабіста даў згоду на зняцце з Шарэйка дэпутацкай недатыкальнасці — тады яна была сябрам Савета Рэспублікі.

Жанчына два гады правяла ў СІЗА. І хоць яе справа літаральна развалілася ў судзе, яе асудзілі. Шарэйка выйшла на волю ў 2016-м. І з тых часоў працуе на ранейшай пасадзе, час ад часу сустракаючыся твар у твар з тым, хто даў згоду на яе арышт.