Сабаленка не змагла прабіцца ў фінал турніру ў Ухані

• 11.10.2025, 17:41

Беларуска ўступіла амерыканцы Джэсіцы Пегуле.

Першая ракетка свету Арына Сабаленка уступіла амерыканцы Джэсіцы Пегуле, якая займае шостае месца ў рэйтынгу WTA, у паўфінальным матчы турніру катэгорыі WTA-1000 у Ухані.

Выніковы лік — 6:2, 4:6, 6:7 (2:7). Сустрэча працягвалася 2 гадзіны 22 хвіліны.

За час матчу Пегула выканала пяць падач навылет, дапусціўшы пры гэтым чатыры падвоеныя памылкі, а таксама змагла рэалізаваць 7/12 брэйк-пойнтаў. Арына Сабаленка зрабіла ў гульні дзесяць эйсаў, дапусціла тры падвоеныя памылкі і рэалізавала 8/17 брэйк-пойнтаў.

У фінале Пегула сустрэнецца з трэцяй ракеткай свету з ЗША Кока Гаўф, якая сёння без асаблівых праблем абыграла прадстаўніцу Італіі Жасмін Пааліні — 6:4, 6:3.