Беларусаў папярэдзілі пра сюрпрызы надвор'я ў нядзелю

• 11.10.2025, 14:20

Чакаецца ўзмацненне заходняга і паўночна-заходняга ветру.

Аранжавы ўзровень небяспекі з-за непагадзі на 12 кастрычніка абвясцілі сіноптыкі. Папярэджанне апублікаваў Белгідрамет.

Удзень у нядзелю ў многіх раёнах рэспублікі чакаецца ўзмацненне заходняга, паўночна-заходняга ветру. Парывы будуць дасягаць 15–20 м/с, паведамілі ў ведамстве.

Папярэджанне сіноптыкаў прадублявала прэс-служба МНС і нагадала свае рэкамендацыі пры моцным ветры:

прыбярыце гаспадарчыя рэчы з двара і балконаў у дом (падвал), абрэжце сухія дрэвы, якія могуць нанесці шкоду вашаму жыллю;

устрымайцеся ад паездак па горадзе на асабістым аўтатранспарце;

аўтамабіль пастаўце ў гараж, пры адсутнасці гаража аўтамабіль варта паркаваць удалечыні ад дрэў, а таксама слаба ўмацаваных канструкцый;

знаходзячыся на вуліцы, абыходзьце хісткія пабудовы і дамы з неўстойлівым дахам;

пазбягайце дрэў і розных збудаванняў падвышанай рызыкі (мостаў, эстакад, трубаправодаў, ліній электраперадач, патэнцыйна небяспечных прамысловых аб’ектаў).