Па загадзе Трампа Пентагон стварыў новае спецпадраздзяленне

• 11.10.2025, 11:34

Стала вядома, чым яно будзе займацца.

Паўднёвае камандаванне Узброеных Сіл ЗША, якое адказвае за Лацінскую Амерыку і Карыбскі басейн, стварае аператыўную групу «па барацьбе з наркотыкамі ў Заходнім паўшар'і».

Пра гэта паведамляе прэс-служба Паўднёвага камандавання ЗША.

Адзначаецца, што спецпадраздзяленне будзе адсочваць і перахопліваць грузы з наркотыкамі, абменьвацца разведвальнай інфармацыяй з сілавымі і ваеннымі ведамствамі ЗША і іншых краін.

Таксама яно будзе «павышаць патэнцыял» іншых дзяржаў у аперацыях па барацьбе з наркатрафікам — група будзе займацца гэтым з дапамогай кансультацый і сумесных аперацый.

Паводле слоў кіраўніка Пентагона Піта Хегсета, стварыць падраздзяленне даручыў прэзідэнт ЗША Дональд Трамп.

«Пасланне яснае: калі вы павязяце наркотыкі да нашых берагоў — мы спынім вас на месцы», — заявіў Хегсет.