На Брэсцчыне даследуюць самы старажытны помнік палеаліту ў Беларусі

• 1.10.2025, 18:50

Ужо знойдзены дзясяткі артэфактаў.

Археолагі раскрылі больш за сем метраў адкладаў і дабраліся да першага культурнага пласта.

На Брэсцчыне ў Іванаўскім раёне даследуюць самы старажытны палеалітычны помнік — стаянку Агова.

У раскопках удзельнічае навуковы супрацоўнік аддзела археалогіі і першабытнага грамадства Інстытута гісторыі НАН Беларусі Аляксандр Вашаноў.

Каманда ўжо знайшла дзясяткі артэфактаў, распавёў ён газеце «Янаўскі край». Археолагі раскрылі больш за сем метраў адкладаў — і толькі тады дабраліся да першага культурнага пласта.

Сярод знойдзеных артэфактаў ёсць прылады з апрацоўкай, напрыклад, скрабкі.

Стаянка Агова ўключаная ў Канцэпцыю фарміравання і развіцця нацыянальных археалагічных праектаў.