Зяленскі прысвоіў статус Героя 16 украінскім гарадам

• 1.10.2025, 13:09

Поўны спіс.

У аўторак, 1 кастрычніка, у Дзень абаронцаў, прэзідэнт Уладзімір Зяленскі прысвоіў ганаровае адрозненне «Горад-герой» 16 гарадам Украіны.

У сваім Telegram-канале ён падкрэсліў, што гаворка пра гарады, дзякуючы якім уратаваныя тысячы жыццяў украінцаў.

«І правільна менавіта сёння адзначыць таксама і нашы супольнасці ва Украіне, тыя нашы гарады, якія вельмі часта бяруць на сябе самае вялікае ў абароне, у стойкасці. Сёння, у гэты Дзень абаронцаў і абароніц, на Пакроў, мы адзначаем яшчэ і грамады-героі — гарады-героі. Я падпісаў указ. Гарады, дзякуючы якім уратаваныя тысячы жыццяў нашых людзей. Гарады, якія абараняюць усю нашу дзяржаву — у поўным сэнсе гэтых слоў», — заявіў ён.

У Днепрапятроўскай вобласці: Паўлаград, Нікапаль, Марганец.

У Данецкай вобласці: Дружкоўка, Краматорск, Канстанцінаўка, Пакроўск, Славянск.

У Запарожскай вобласці: Гуляйполе, Арэхав.

У Мікалаеўскай вобласці: Узнясенск, Баштанка.

У Сумскай вобласці: Сумы, Трасцянец.

У Харкаўскай вобласці: Купянск.

У Хмяльніцкай вобласці: Староканстанцінаў.