Свабодныя спартоўцы сустрэнуцца з беларусамі ў Сопаце

• 1.08.2024, 14:28

Сустрэча адбудзецца 3 жніўня а 16 гадзіне.

У рамках спартыўна-адукацыйнага летніка "Baltic Summer camp", які праводзяць свабодныя спартоўцы ў польскім Сопаце, адбудзецца валейбольны турнір і сустрэча з беларусамі.

Пра гэта ў "Фэйсбуку" расказала шматразовая чэмпіёнка свету і Еўропы ў плаванні, уладальніца трох алімпійскіх медалёў Аляксандра Герасіменя:

«Запрашаем усіх ахвочых прыняць удзел і заўзець за каманды. Месца правядзення - Сопат, пляж №34. Час старту - 10.00 ».

Потым адбудзецца сустрэча са свабоднымі спартоўцамі. У ёй возьмуць удзел трохразовая прызёрка Алімпійскіх гульняў у плаванні Аляксандра Герасіменя, чэмпіён свету і Еўропы ў самба Сцяпан Папоў, экс генеральны мэнэджар нацыянальнай каманды ў хакеі Святаслаў Кісялёў, а таксама спецыяльная госця і мадэратарка сустрэчы - галоўная рэдактарка сайта Charter97.org Наталля Радзіна.

Галоўныя тэмы сустрэчы - удзел беларускіх спартоўцаў у Алімпіядзе, перспектывы беларускага спорту, эміграцыя і боль беларусаў.

Сустрэча пройдзе ў Сопаце 3 жніўня а 16.00 на адрасе Jacka Malczewskiego 21, 81-817.

Папярэдняя рэгістрацыя абавязковая, месцы абмежаваныя. Аляксандра Герасіменя просіць удзельнікаў напісаць ёй у асабістыя паведамленні ў "Фэйсбуку".