Ці можна замест адпачынку атрымаць грашовую кампенсацыю

• 24.07.2024, 11:40

Патлумачылі ў Мінпрацы.

У Міністэрстве працы і сацыяльнай абароны нагадалі аб правілах кампенсацыі адпачынку, а таксама расказалі, калі можна замяніць адпачынак грашовай выплатай.

Атрымаць грашовую кампенсацыю можна, калі вас з працоўнага адпачынку афіцыйна адклікалі (пры гэтым вы ўжо выкарыстоўвалі ў бягучым працоўным годзе не менш за 14 каляндарных дзён).

Кампенсацыю выплацяць таксама пры звальненні (за нявыкарыстаныя дні працоўнага адпачынку).

«У астатніх выпадках кампенсаваць можна толькі частку, якая перавышае 21 дзень. І толькі ў тым выпадку, калі адпачынак даецца не авансам і гэта задавальняе наймальніка», - распавялі ў Мінпрацы.

Забаронена кампенсаваць адпачынак, калі работнік працуе:

у асаблівых ці небяспечных умовах,

у зоне радыеактыўнага забруджвання.

Таксама нельга замяняць грашовым кампенсаваннем працоўны адпачынак цяжарным і непаўналетнім.