Міністр эканомікі Беларусі знайшоў нечаканага віноўніка падаражэння бульбы

• 18.07.2024, 9:54

Кошты караняплода выраслі на 109%.

Белстат апублікаваў свежую статыстыку за чэрвень аб змяненні коштаў тавараў і паслуг у нашай краіне. Рэкорднае падаражэнне паказала бульба - кошты караняплода выраслі аж на 109%.

Першы намеснік міністра эканомікі Беларусі Андрэй Картун абвінаваціў у гэтым маладую бульбу, асабліва - азербайджанскую.

«Кошты бульбы нарабілі шмат шуму. Аднак нагадаю, у гэты перыяд адбываецца змена асартыменту: старая бульба, якую мы елі цягам усёй зімы, сыходзіць, з'яўляецца новая. У канцы красавіка ці траўні ў нас традыцыйна з'яўлялася егіпецкая бульбачка, сёлета яна не з'явілася. Імпартная маладая бульба з'явілася толькі пазней, і то не егіпецкая, а азербайджанская. Натуральна, усе адразу заўважылі розніцу коштаў», - распавёў БелТА Картун.