Байдэн абвясціў новы пакет ваеннай дапамогі Украіне

• 11.07.2024, 20:29

Прэзідэнт ЗША сустрэўся з Зяленскім.

Злучаныя Штаты Амерыкі вылучаць Украіне новы пакет ваеннай дапамогі.

Пра гэта паведамляе РБК-Украіна са спасылкай на прэзідэнта ЗША Джо Байдэна падчас сустрэчы з прэзідэнтам Украіны Уладзімірам Зяленскім у Вашынгтоне.

«Сёння я з гонарам абвяшчаю пра новы пакет дапамогі ў галіне бяспекі для Украіны. Гэта будзе восьмы пакет, які я санкцыянаваў з таго часу, як быў падпісаны закон аб нацыянальнай бяспецы», – сказаў Байдэн.

Пры гэтым дэталяў новага пакету дапамогі амерыканскі прэзідэнт не раскрыў, але дадаў, што «можам абмеркаваць пазней дэталі».