Абменнікі Масквы рэзка паднялі курс даляра гатоўкай на фоне санкцый ЗША

• 12.06.2024, 20:11

Дасягае ₽200 за даляр.

Некаторыя банкі істотна паднялі курс, за які ў іх можна набыць даляры гатоўкай. Максімальнае значэнне ў абменніках Масквы, паводле сэрвісу «Банкі.ру», дасягае ₽200 за даляр на стан 19:15 паводле Менска ў Норвік Банка.

Курс набыцця еўра ў шэрагу абменнікаў Масквы таксама вырас. Даражэй за ўсіх еўрапейскую валюту прадае Лічба Банк – за ₽160, вынікае з звестак таго ж сэрвісу.